ဟာသ(၄၆)

နောက်တစ်ခေါက် အရောက်လာပါဦး

လေးစားအပ်ပါသော ဥက္ကဌကြီးခင်ဗျား-

မကြာမီက ဥက္ကဌကြီး ရောက်ရှိခဲ့တဲ့ မြို့မှ မြို့သူမြို့သားများက ကျေးဇူးကုဋေကုဋာဖြင့် ဤစာကို ရေးသားလိုက်ခြင်း ဖြစ်ပါတယ်။
ကျွန်တောက်တို့ မြို့သို့ အလည်အပတ် လာရောက်မည် ဆိုသည်ကို ဥက္ကဌကြီး သုံးရက်သာကြိုတင်၍ အသိပေးခဲ့သည် မှန်သော်လည်း မြို.နယ် အာဏာပိုင် အဖွဲ့အစည်းမှ ပုဂ္ဂိုလ်များသည် ဤအချိန်တိုလေးနှင့်ပင် ဆိုဗီယက် အာဏာတည်သည့် ကာလတစ်လျောက်လုံး အတွင်း လုပ်ဆောင် နိုင်ခဲ့သည်ထက် ပို၍ မြို့၏ စည်ပင်သာယာ ဝပြောရေး ကိစ္စကို ဆောင်ရွက်နိုင်ခဲ့ကြပါသည်။ ပထမဦးဆုံး အနေနှင့် လူကြီးမင်းအား တင်ဆောင်လာသော မော်တော်ယာဉ် ဖြတ်သန်းသွားမည့် လမ်းတစ်ဖက်တစ်ချက်ရှိ အိမ်များအားလုံးကို ဆေးသုတ်ခဲ့ပါသည်၊ သို့သော် လူကြီးမင်းသည် စီစဉ်ထားသည့် ခရီးစဉ်အတိုင်း သွားလေ့မရှိကြောင်း တစ်စုံတစ်ဦးက သတိပေးလာပါသည်။ သို့ဖြင့် မြို့အာဏာပိုင်တို့သည် အခြားအိမ်များကိုပါ ဆေးသုတ်ခဲ့ကြရပါသည်။ ဤကိစ္စတွင် မည်မျှကြိုးစား အားထုတ်ခဲ့ကြသနည်း ဟူမူ အချို့အိမ်တို့၏ ပြတင်းပေါက် မှန်များကိုပါ ဆေးသုတ်မိကြပါသည်။

ဒုတိယအချက်အားဖြင့် ဥက္ကဌကြီး မရောက်မီ လမ်းများ အားလုံး မီးလင်းလာပါသည်။ နိုင်လွန်ကတ္တရာ လမ်းများ ဖြစ်ကုန်ကြပါသည်။ ပတ်ဝန်းကျင်တွင်လည်း လူကြီးမင်း မရောက်မီ တစ်ညအလိုက မြေအောက်ဖြတ်ကူးလမ်း ၃၆၅-
ခုကို ဖောက်လုပ်ပြီးသား ဖြစ်သွားပါသည်။ မြို.ပေါ်ရှိ ဆိုင်များတွင် မပြုန်းတီးရအောင် ထိန်းသိမ်းစောင့်ရှောက်ရမည့် ပစ္စည်းစာရင်းထဲသို့ အချိန်တော်တော်ကြာကြာ ကတည်းက သွတ်သွင်းပြီး ဖြစ်သည်ဟု ကျွန်တော်တို့ ထင်မှတ်ခဲ့သော ကုန်ပစ္စည်းများကို တွေ့လာရပါသည်။ ဆိုင်ပေါ်တင်လာသော ပစ္စည်းများထဲတွင် အငတ်ဘေး ကြုံတွေ့ရသော အာဖရိက ဒုက္ခသည်တို့ အတွက် စားနပ်ရိက္ခာများကို သယ်ဆောင်လာသော ဗြိတိသျှသင်္ဘော ကျွန်တော်တို့မြို့နှင့် မနီးမဝေး နိုင်ငံတကာ ရေပြင်ပိုင်နက်တွင် လွန်ခဲ့သည့် ၁၂-နှစ်က နစ်မြုပ်ခဲ့စဉ် နောက်ဆုံးအကြိမ် မြင်ခဲ့ကြရသော စည်သွပ်ဘူးများပင် ပါရှိခဲ့သည်။

တတိယအချက်အားဖြင့် လွန်ခဲ့သော ငါးနှစ်စီမံကိန်း ကာလကတည်းက အခမ်းအနားဖြင့် ဖွင့်လှစ်ပြီးကြောင်း အာဏာပိုင်တို့ အထက်သို့ အစီရင်ခံခဲ့သည့် တံတားကိုလည်း ဆောက်လုပ်ရေး လုပ်သားတို့ အပြီးသတ် ဆောက်လုပ်ခဲ့ကြပါသည်။ ထိုစဉ်က ယင်းတံတားကို တခမ်းတနားဖွင့်လှစ်ခဲ့ရာတွင် တံတားဆောက်လုပ်ရေး ကော်မရှင်အဖွဲ့ ခေါင်းဆောင်က ဖဲကြိုးဖြတ်အပြီး တံတားလည်း ကမ်းမှလွတ်ကာ ကော်မရှင်အဖွဲ.ဝင်များနှင့် အတူ ရေစီးကြောင်းအတိုင်း မျောပါသွားခဲ့ပါသည်။

နောက်ဆုံးအချက်အားဖြင့် လေဆိပ်မှ အလာ လမ်းတလျှောက်လုံးကို ကွန်ဆိုမို ကွန်မြူနစ် လူငယ်အဖွဲ.မှ တာဝန်ရှိ ပုဂ္ဂိုလ်တို့က မိမိတို့၏ ကိုယ်ပိုင်ဖုံစုပ်စက် များဖြင့် သန့်ရှင်းရေး လုပ်ခဲ့ကြပါသည်။ အလုပ်သမားသမဂ္ဂအဖွဲ.မှ တာဝန်ရှိ ပုဂ္ဂိုလ်များကမူ အနီးအနား သစ်တောတို့တွင် အမှိုက်သရိုက်များ ရှင်းကြပါသည်။ သစ်ပင်အားလုံးမှ သစ်ရွက်များကို အစိမ်းရောင် သုတ်ခဲ့ကြပါသည်။ မြို.ပေါ်ရှိ အထိမ်းအမှတ်ကျောက်တိုင်နှင့် ရုပ်တုများကို ယူဂိုစလားဗီးယား နိုင်ငံလုပ်
ခေါင်းလျှော်ရည်ဖြင့် ဆေးကြောခဲ့ကြပါသည်။ မည်မျှ ဆေးကြောလိုက်ကြသနည်း ဆိုသော်.......

ထိုမျှမကသေးပါ ၊
ဥက္ကဌကြီး အမျက်တော်ရှမည်ကို စိုးရိမ်ကြသဖြင့် မြို.နယ်ခေါင်းဆောင် အများအပြားသည် မိမိတို့ပိုင် အနားယူအိမ်များကို နိုင်ငံတော်သို့ လွှဲပြောင်းပေးပါသည်။ ထိုရက်များအတွင်းတွင် အချို့သော အနားယူအိမ်များကို မူကြိုကျောင်းနှင့်
ကလေးထိန်း ဌာနများ အဖြစ် ဖွင့်လှစ်လိုက်ကြပါသည်။ မြို.နယ်ကော်မတီ ဋ္ဌာမှူးကြီးတစ်ဦး၏ အနားယူအိမ်ကို လေဆိပ် အဆောက်အဦသစ် အဖြစ် အသုံးချနိုင်အောင် ပြင်ဆင်နိုင်ခဲ့ပါသည်။ ၄င်းအနားယူအိမ်မှ သခွားခင်းကို '' အီလူးရှင်း-၈၆ ''
လေယာဉ် အဆင်းအတက် လုပ်နိုင်အောင် ကွန်ကရစ် လောင်းခဲ့ပါသည်။ ကျွန်တော်တို့၏ အခြားခေါင်းဆောင်များကလည်း အသိတရားဝင်ကာ အကောင်းဘက် ပြောင်းလာကြပါသည်။

''ခေါင်းဆောင်ကောင်းတို့မည်သည် ကိုယ်ပိုင်အမြင် ရှိရမည်၊ ဤသို့သော ခေါင်းဆောင်မျိုးကိုသာ လိုလားသည်''
ဟူသည့် လူကြီးမင်း၏ သဘောထားကို အားလုံးက သိနားလည်ထားကြသည့် အတိုင်း ကျွန်တော်တို့၏ ခေါင်းဆောင်များသည် မြို.နယ်ပါတီ ယူနစ်ကော်မတီရုံးတွင် သုံးရက်ကြာ အစည်းအဝေးထိုင်ကာ ကိုယ်ပိုင်
အမြင်များကို ညှိနှိုင်းဆွေးနွေးကြပါသည်။ ထို့နောက် ၄င်းကို ဒေသပါတီရုံးတွင် အတည်ပြုချက် ရယူကြပါသည်။

မွေးမြူရေးကိစ္စကို ဥက္ကဌကြီးကောင်းစွာ နားလည်သည့် အချက်ကိုလည်း အားလုံးသိကြပါသည်၊ ထို့ကြောင့် '' နွားမတွင် နို့သီးဘယ်နှစ်ခု ပါသနည်း '' ဆိုသည့် ခေါင်းစဉ်ဖြင့် မွေးမြူရေးဘက်ဆိုင်ရာ ပညာရှင်တို့၏ နှီးနှောဖလှယ်ပွဲကို ကျင်းပခဲ့ပါသည်။ ထိုအခါမှ စုပေါင်း လယ်ယာစီမံကိန်း အကောင်အထည်ဖော်ရေး အတွက် ပစ္စည်းမဲ့နွားမတွင် နို့သီးလေးခုသာ ပါရှိကြောင်း ထွက်လာပါသည်။

အစွန်းရောက် ကုန်သည်များလည်း ရှိခဲ့ပါသည်။ ဥပမာအားဖြင့် လူကြီးမင်း မရောက်လာမီ တစ်ညအလိုတွင် ဘာကြောင့်မှန်းမသိ၊ လူထုကာကွယ်ရေး လေ့ကျင့်မှုကို ပြုလုပ်ပါသည်။ သို.သော်လည်း အရေးပေါ်အချက်ပေးစနစ် ပျက်သွားပါသည်။ ဤအထဲ ဓာတ်ငွေ. မသင့်အောင် ကာကွယ်သည့် ကိရိယာများပါ ချွတ်ယွင်းနေပါသည်။
(အသက် ရှူထုတ်လို့သာ ရပြီး အသက်ရှူသွင်းချင်သည့် အခါတိုင်း ကိရိယာကို မျက်နှာမှချွတ်ပြီး ရှူကြရသည်။)

ထို့ကြောင့် နံနက် သုံးနာရီရောက်မှ အဖွဲ့ခေါင်းဆောင်သည် '' သတိ၊ ညူကလီးယား ပေါက်ကွဲပြီ၊ အားလုံးဝပ်ကြ ''
ဟုအသံကုန်ဟစ်၍ အော်ရပါသည်။ ထိုအခါ မြို့သူမြို့သားများအားလုံး အိမ်မှထွက်ကာ မြေမှာ ဝပ်ကြပါသည်၊
ဤသို့ဝပ်ရာတွင် ဓာတ်ရောင်ခြည်မသင့်အောင် မျက်နှာကိုလက်ဝါးဖြင့် စနစ်တကျ ဖုံးကွယ်ကြပါသည်။
အင်္ကျီကြယ်သီးများကိုလည်း အစုံအစေ့ တပ်ကြပါသည်။ ခန့်မှန်းသည်ထက် အချိန် အတော်နောက်ကျမှ လေ့ကျင်ခန်း လုပ်ကြရသဖြင့် မြို့သူမြို့သား ထက်ဝက်ခန့်မှာ တန်းဖြုတ်သည်ကို စောင့်ရင်း နောင်တစ်နေ့ ရုံးတက်နောက်ကျကုန်ပါသည်။

ထို့ပြင် ကျွန်တော်တို့မြို့ရှိ ဆောက်အဦသစ်များ၏ ပုံလေးပုံပါရှိသော အမှတ်တရ လက်ဆောင်စာအုပ်ငယ်ကို ထုတ်ဝေပါသည်။ ပုံလေးပုံ ဖော်ပြထားသော်လည်း တစ်ခုတည်းသော အဆောက်အဦသစ်ကို လေးဘက်လေးတန်မှ ရိုက်ကူးထားခြင်း ဖြစ်ပါသည်။

တစ်ခုတည်းသော ဟင်းသီးဟင်းရွက်ဆိုင်ကိုလည်း ဥက္ကဌကြီး၏ မော်တော်ယာဉ် ဖြတ်သွားမည့် လမ်းတစ်လျှောက် မြင်သာအောင် ခပ်လှမ်းလှမ်းမှ နေ၍ ကားဖြင့် တင်ဆောင် မောင်းနှင်ခဲ့ပါသည်။

နောက်ဆုံး အချက်အားဖြင့် လူကြီးမင်းသည် '' ပြတိုက်များဆီသို့ သွားတတ်သည်၊ ပြတိုက် အထားအသို အခြေအနေ မည်သို့ရှိသည်ကို စူးစမ်းလေ့လာတတ်သည် '' ဟူသည့် သတင်းစကား ထွက်လာပါသည်။ ထိုသို့ သတင်းစကား ပွက်လာသည်နှင့် မဆိုင်းမတွမှာပင် အုတ်ဖုတ် အတတ်ပညာဆိုင်ရာ စက်မှုသင်တန်းကျောင်းမှ ဆင်းပြီး ၊
မြို.နယ်ယဉ်ကျေးမှု ဌာနမှူးရာထူး ရထားသူ၏ အမိန့်ဖြင့်'' အန်ကွန်ပါး ဗလိုဗစ်ခ်ျချက်ကော့ဖ် '' (ရုရှားစာရေးဆရာကြီး ၁၈၆ဝ-၁၉ဝ၄ ) နေထိုင်ခဲ့သည့် အိမ်ဟောင်းကို ကရိန်းစက်ဖြင့် ဖျက်ကာ ၄င်းနေရာတွင် ချက်ကော့ဖ် နေထိုင်ခဲ့သည့် အိမ်သစ်ကို ဆောက်လုပ်ခဲ့ပါသည်။ ပြတိုက်ရှေ့ မျက်နှာစာတွင် ချက်ကော့ဖ်၏ ရုပ်တုကို စိုက်ထူလိုက်ပါသည် ၊ ရုပ်တုမှာ
မကြာမီက ကျင်းပခဲ့သည့် ပါတီဗဟိုကော်မတီ အစည်းအဝေးသို. တင်သွင်းခဲ့သည့် ဥက္ကဌကြီး၏ အစီရင်ခံစာကို
ထောက်ခံသည့် မျက်လုံးများဖြင့် ဖတ်နေပါသည်။

သို့သော် ဤသို့ဖြစ်ရသည်များအတွက် ခေါင်းဆောင်များကို ကျွန်တော်တို့ စိတ်မဆိုးကြပါ။ ယနေ့ အခြေအနေတွင် ၄င်းတို့ မည်မျှ အခက်ကြုံနေရသည် ဆိုသည်ကို ကျွန်တော်တို့ ကိုယ်ချင်းစာကြ၍ ဖြစ်ပါသည်။ စံပြခေါင်းဆောင်များ ဖြစ်ကြရမည်ဟု ၄င်းတို့ကို ဥက္ကဌကြီးမှ ပြောသော်လည်း ဤလုပ်နည်းလုပ်ဟန် အဟောင်း ၊ ခံယူချက်အဟောင်း တို့ကို ပြောင်းပစ်ရမည် ဆိုသော်လည်း အချိန်ကန့်သတ်ချက် မပေးခဲ့ပါ။ ထို့ကြောင့် အစောကတည်းက မိမိတို့ပြောင်းပြီးဖြစ်ပါသည် ဆိုသည်ကို ဥက္ကဌကြီးအား မည်သည့်အချိန်တွင် အစီရင်ခံရမည်နည်း ဆိုသည်ကို ၄င်းတို့ မခန့်မှန်းတတ်အောင် ဖြစ်နေကြပါသည်။

ဤမျှသာမကပါ။ ရှေ.သို့သာ ချီတက်ပါဟု အခွင့်ကြုံတိုင်း လူကြီးမင်းက ပြောသော်လည်း ရှေ.ဘယ်မှာရှိသည်ကို ၄င်းတို့အား မရှင်းပြပါ။ ဤသို့ မရှင်းပြဘဲနှင့် သူတို့ ဘယ်လိုမှ သိနိုင်ရှာကြမည် မဟုတ်ပါ။ ဤအချက်ကို သဘောပေါက်စေချင်ပါသည်။
ကျွန်တော်တို့မြို.၏ အစဉ်အလာကို တင်ပြလိုပါသည်။ အနုပညာပါရမီ ရှိသူသည် အနုပညာနယ်ပယ်သို့ ဝင်ရောက် လုပ်ကိုင်ကြပါသည်။ စာတော်သူသည် သိပံ္ပပညာဖက် ရောက်ကြပါသည်။ ထုတ်လုပ်ရေးဖက် အားသန်သူဆိုပါက ထုတ်လုပ်ရေးကဏ္ဍသို့ ဝင်ကြပါသည်။ ငယ်ငယ်တုန်းက အပျင်းထူပြီး ဘာအစွမ်းအစမှ မပြနိုင်ခဲ့သူသည် ကွန်ဆိုမိုကွန်မြူနစ်
လူငယ်အဖွဲ့ ၊အလုပ်သမားသမဂ္ဂ အဖွဲ.များထဲသို့ ဝင်ရောက်ပြီး အထက်ပါ အစွမ်းအစရှိသူများအား ခေါင်းဆောင်မှုပေးကြပါသည်။ ဤကဲ့သို့ ခေါင်းဆောင်မှု ပေးသောကြောင့် ထင်ပါသည်၊ လောလောဆယ်အထိ ထိုပုဂ္ဂိုလ်တို့၏ အစွမ်းအစများ ပျောက်ကွယ်သွားခြင်း မရှိသေးပါ။

ခြုံ၍ဆိုရမည်ဆိုလျှင် ကျွန်တော်တို့မြို့သို့ လာရောက် လည်ပတ်ခဲ့သည့် အတွက် ဥက္ကဌကြီးအား အထူး ကျေးဇူးတင်ပါသည်။
ကျွန်တော်တို့၏ မြို့သည် လှပလာပါသည်။ စိမ်းလန်းစိုပြည် နေချင့်စဖွယ် ဖြစ်လာပါသည်။ အနီးအနား စုပေါင်း လယ်ယာများသို့ လေယာဉ်များ စတင်ပျံသန်း လာပါသည်။ ဂျာမန်များ ဆုတ်ခွာစဉ်က ဖြတ်တောက် ဖျက်စီးခဲ့သော ကျွန်တော်တို့မြို့နှင့် အခြားမြို့များ အကြား တယ်လီဖုန်းလိုင်း ကိုလည်း ပြန်လည် သွယ်တန်းနိုင်ခဲ့ပါသည်။

မှန်ပါသည်။
ဥက္ကဌကြီး ပြန်သွားပြီးသည့်နောက် ဆိုင်များတွင် ကုန်ပစ္စည်းများ ကြက်ပျောက်ငှက်ပျောက် ဖြစ်ကုန်ပြန်ပါသည်။ သို.သော် ကိစ္စမရှိပါ။ ဥက္ကဌကြီး ရောက်ရှိနေသည့် အချိန်အတွင်းတွင် မြို့သူမြို့သားအားလုံး သုံးနှစ်စာ ကြိုတင်ဝယ်ယူထားပြီး ဖြစ်၍ ဖြစ်ပါသည်။

ဥက္ကဌကြီးအား ကြိုတင်၍ အနူးအညွတ် မေတ္တာရပ်ခံချင်ပါသည်။ နောက်သုံးနှစ်ကြာလျှင် ကျွန်တော်တို့မြို့သို့ နောက်တကြိမ် အလည်လာစေလိုခြင်း ဖြစ်ပါသည်။

ထိုအချိန်ရောက်လျှင် ဆေးပြယ်၍ အိမ်များလည်း အရုပ်ဆိုးဖြစ်လောက်ပါပြီ။ အထိမ်းအမှတ်ရုပ်တုလည်း ဖုံလူးညစ်တူး နေလောက်ပါပြီ။ တံတားလည်း ကမ်းမှလွတ်ကာ ရေထဲမျောပါမည့် အခြေအနေမျိုး ပြန်ဖြစ်လောက်ပါပြီ။ အသစ်မွေးလာသည့် ကလေးများ အတွက် မူကြိုကျောင်းနှင့် ကလေးထိန်းဌာန အသစ်များလည်း လိုအပ်ချိန် တန်လောက်ပါပြီ။ ဥက္ကဌကြီးသည် ကြီးလေးသော တာဝန်ကို ထမ်းဆောင်နေသူဖြစ်၍ မအားလပ်ကြောင်း ကျွန်တော်တို့ နားလည်ပါသည်။

ကျွန်တော်တို့ကဲ့သို့ပင် ဥက္ကဌကြီး အလည်လာမည့် ရက်ကို တန်းစီစောင့်နေသော အခြား မြို.များလည်း ရှိနေသေးသည် ဆိုသည်ကို သိပါသည်။ ထို.ကြောင့် ဥက္ကဌကြီး မလာနိုင်သည် ထားဦး လာမည်ဟုသာ ကျွန်တော်တို့ မြို့အာဏာပိုင်များအား အကြောင်းကြားစေ လိုပါသည်။ ထိုအခါ ၄င်းတို့သည် လုပ်သားပြည်သူတို့အတွက် တစ်ခုခုတော့ မလွှဲမရှောင်သာ လုပ်ပေးကြရမည် ဖြစ်ပါသည်။

လေးစားအပ်ပါသော ဥက္ကဌကြီးခင်ဗျား ၊
အကယ်၍ အပန်းမကြီးဟု ဆိုပါက ဥက္ကဌကြီး၏ လက်ထောက် တစ်စုံတစ်ယောက်မှ တစ်ဆင့် ဥက္ကဌကြီးသည် လုပ်သားပြည်သူတို့၏ အိမ်ခန်းထဲသို့လည်း ဝင်ကြည့်တတ်သည်၊ အိမ်မှာ ရေနွေးလာမလာကို စစ်ဆေးတတ်သည်ဟု အသံလွှင့်စေလိုပါသည်။ ကျွန်တော်တို့ အားလုံး ရေနွေးစပ်၍ အားရပါးရ ရေချိုးချင်လှပါသည် ခင်ဗျား။