ဟာသ (၆)

နောက်ဆို တစ်ခါပဲဆက်

ချူချာတို့ဌာနေ အနာဒီးမှာ ဘူမိဗေဒ အခြေစိုက်စခန်း ဖွင့်လိုက်သည်။ အလုပ်သမားတွေ အိမ်ထောင်တစ်စု လိုင်းခန်းတစ်ခန်း ရသည်။ ရုံးချုပ်နှင့် အလုပ်သမား လိုင်းခန်းအတွက် အနီးပြော တယ်လီဖုန်းတွေ တစ်ခန်းတစ်လုံးကျ တပ်ပေးသည်။ ဓာတ်ငွေ့မီးဖိုနှင့် လျှပ်စစ်မီးပူ တစ်လုံးစီ ရကြသည်။
တစ်နေ့ ချူချာ အလုပ်သွားခါနီး မိန်းမကို မှာသည်။
“ မိန်းမ၊ ငါရုံးကိုရောက်ရင် ဖုန်းလှမ်းဆက်မယ်။ ဖုန်းပြောတတ်အောင် လုပ်ထား၊ ကြားလား ”
ဖုန်းကိုင်ပုံ ကိုင်နည်း၊ ပြောပုံ ပြောနည်းကို လက်တွေ့ ပြပေးသည်။
“ ဘယ်တော့ ဆက်မှာလဲ ကျုပ်မီးပူတိုက်စရာတွေ အများကြီး ရှိတယ်တော့် ”
“ ဒါဘာခက်လဲ မီးပူတိုက်တဲ့ အနားကို ဖုန်းယူပြီး ချထားလိုက်ပေါ့ ”
ချူချာ အလုပ်ဆီ ထွက်သွားသည်။
အလုပ်ထဲရောက်တော့ အိမ်ကို ဖုန်းဆက်သည်။ ဘာသံမျှ မကြား။ နောက်တစ်ခါ ထပ်ဆက်သည်။ အကြောင်းမထူး၊
ညနေ အလုပ်ဆင်းတော့ နားရွက် နှစ်ဘက်နှင့် ပါးနှစ်ဘက်မှာ မီးလောင်ဒဏ်ရာ ရထားသည့် မိန်းမကို တွေ့သည်။
“ ဒါက ဘာဖြစ်တာလဲ မိန်းမ၊ ရေနွေးပူ လောင်တာလား ”
“ ဘယ်က ရေနွေးပူ လောင်ရမလဲ။ တော့်ကြောင့်ရှင့် တော့်ကြောင့်။ ကျုပ်မီးပူ တိုက်နေတုန်း ဖုန်းလာတယ်။ ဘေးနားချထားတဲ့ ဖုန်းနဲ့ မီးပူ မှားကိုင်မိပြီး ပြောမယ်လုပ်တော့ ညာဘက် နားရွက်နဲ့ ပါးကို အပူလောင်တယ်။ ”
“ ဘယ်ဘက်ပါးနဲ့ နားရွက်ကကော ဘာဖြစ်တာလဲ ”
“ အိုး-ရှင်ဘာဖြစ်လို့ နောက်တစ်ခါ ထပ်ဆက်လဲ ”




အပါ့ကွာ

ချူချာတို့ လင်မယား ကုန်ပဒေသာဆိုင်ထဲ လျှောက်ကြည့်ကြသည်။
အိမ်သုံးပစ္စည်း ကောင်တာတွင် အရောင်စုံ၊ အရွယ်စုံ ဓာတ်ဘူးတွေကို တွေ့တော့ နှစ်ယောက်စလုံး စိတ်ဝင်စား သွားကြသည်။
ချူချာက အရောင်းစာရေးကြီးကို မေးသည်။
“ ရဲဘော် အရောင်းစာရေးကြီး၊ ဟိုစင်ပေါ်က ဟာတွေက ဘာခေါ်လဲ ”
“ အဲဒါ ဓာတ်ဘူးလို့ ခေါ်တယ် ချူချာ ”
“ ဓာတ်ဘူးတဲ့လား၊ အဲဒါ ဘာလုပ်ရသလဲ ”
“ အအေးပဲ ထည့်ထည့်၊ အပူပဲ ထည့်ထည့် ကြိုက်သလို သုံးလို့ရတယ် ချူချာ။ ရေနွေး ထည့်ထားရင် တစ်နေကုန်ခံတယ်။ အေးမသွားဘူး။ ရေခဲ ထည့်ထားလဲ တစ်နေကုန်ခံတယ်။ အရည်ပျော် မသွားဘူး။ ”
ချူချာ့မိန်းမက စိတ်ဝင်တစားဖြင့် ပြောသည်။
“ ကျုပ်တို့ အဲဒီ ဓာတ်ဘူးဆိုတဲ့ဟာ နှစ်လုံးလောက် ၀ယ်ရအောင် ”
“ ဘာလုပ်ဖို့လဲ မိန်းမ…… ”
“ အိုး- တော်ကလဲ တစ်လုံးက ရေနွေးထည့်ဖို့၊ တစ်လုံးက ရေခဲထည့်ဖို့ပေါ့တော် ”
ချူချာ မိန်းမကို မျက်စောင်းထိုးရင်း ကြိမ်းသည်။
“ မိန်းမ- နင်တော်တော်အ။ တစ်လုံးပဲ ၀ယ်မှာပေါ့။ စာရေးကြီးက ပြောတယ်လေ။ အပူအအေး ကြိုက်သလိုသုံးတဲ့။ ရေနွေး အရင်လောင်းထည့်။ ပြီးရင် အပေါ်က ရေခဲထည့်။ တစ်လုံးတည်းနဲ့ ပြီးရော မဟုတ်လား ”





စုံထောက်ကြီး ချူချာ

ချူချာ မော်စကိုတက်ပြီး ရဲစုံထောက် ဌာနမှာ အလုပ်ဝင်လျှောက်သည်။ လူတွေ့ စစ်ဆေးသည့် နေ့တွင် စခန်းတာဝန်ခံက မေးသည်။
“ မင်းက စုံထောက် လုပ်ချင်တယ်ပေါ့ ဟုတ်လား ချူချာ ”
“ ဟုတ်…… ”
“ ကဲ- မင်းကို အရင်ဆုံး အထွေထွေ ဗဟုသုတ စစ်မယ်၊ ဟုတ်လား ”
“ ဟုတ်……”
“ နှစ်နဲ့နှစ် ပေါင်းရင် ဘယ်လောက်ရသလဲ ”
ချူချာ လက်တွေ ချိုးရင်း ဆယ်မိနစ်လောက် ကြာသွားသည်။ အဖြေမထွက်။
“ ကဲ- ရှိစေတော့၊ ခေါင်းဆောင်ကြီး စတာလင်ကို သိလား ”
“ ဟုတ် ”
“ သူက ဘယ်အရပ်သားလဲ ”
ချူချာ့ဆီက ဘာသံမျှ မကြား။
“ တပ်နီတော် သူရဲကောင်း၊ ဗိုလ်မှုး ချက်ပါယက်ဗ်ကို ဖောက်ပြန်ရေးသမား တပ်ဖြူ သူလျှိုကောင်က လုပ်ကြံတာကော သိလား ”
“ ဟုတ် ”
“ ဒါဖြင့်- အဲဒီ သူလျှိုကောင် နာမည် ပြောစမ်း ”
ချူချာ့ဆီက အဖြေ မထွက်လာ။
“ ကဲ- ဒီလောက်ဆို မင်းအရည်အချင်းကို ငါသိပြီ ချူချာ။ ဒီတော့ အခု အိမ်ပြန်။ အိမ်ရောက်ရင် အဲဒီ တရားခံ ဘယ်သူလဲ ဆိုတာ သေချာစဉ်းစား။ စဉ်းစားလို့ ရရင် ပြန်လာခဲ့ ဟုတ်လား ” ဟုငေါ့သည်။
သည်လိုနှင့် ချူချာ ပြန်လာသည်။ အပေါင်းအသင်းတွေက အလုပ် အဆင်ပြေ မပြေ ၀ိုင်းမေးကြသည်။
“ ပြေမှပြေပဲ။ အလုပ်ရရုံတင် မကဘူး။ အမှုတစ်ခုတောင် အပ်လိုက်သေးတယ်။ ပေါ့သေးသေး အမှု မဟုတ်ဘူး။ ဧရာမ လုပ်ကြံမှုကြီးကွ ”